Me kërkesë të Prefektit të Qarkut, Z. Ali Mysliu, u mblodhën sot në ambientet e Institucionit të Prefektit të Qarkut Elbasan, ZVA-të e shtatë bashkive të qarkut, përfaqësues nga shtatë bashkitë e qarkut si edhe përfaqësues të Institucionit te Shëndetit Publik.
U diskutua lidhur me gjendjen e infrastrukturës shkollore, kopshteve e çerdheve (në qytet e në fshat), detyrimet e plotësuara nga NJVV-të para fillimit të sezonit të ri shkollor, nevojat për mirëmbajtje e pajisje.
U fol lidhur me procedurën e ndjekur për regjistrimin e nxënësve, plotësimin e stafeve mësimdhënëse të shkollave, për numrin e tyre krahasuar me vitin e kaluar, si dhe për trajtimin me një vëmendje të veçantë të nxënësve me aftësi ndryshe apo komuniteteve romë dhe egjiptiane.
Siguria në shkolla ishte një aspekt tjetër shumë i rëndësishëm që u diskutua.Prefekti, në përfundim të takimit kërkoi zbatimin me përpikëri të të gjitha orientimeve.